有錢人

上個星期六同阿嘉食飯，佢陪我去考cre 途中，我講左d 咁o既野：
q：其實我地呢個階層都幾得意。
k：點解？
q：因為我地係中產，又唔係最窮連飯都無得食，又唔係最有錢幾萬食一餐。亦都因為咁，我地比較有危機感，知道努力有機會可以爬上去，知道唔小心真係會跌落深淵永不超生。但係我地下面同上面o既人都唔係，因為你太窮，你就覺得自己根本完全無機會向上爬，上層價值對你黎講太遙遠；相反如果你係上層，你所擁有o既野太多，存款數字咁多個零，你又點會諗無零o個陣會點？衰極都有個譜啦﹗

其實唔知係咪真係咁o家呢？阿嘉講佢實習o既趣事/苦況，我地同時感嘆自己o既世界太細，有好多野我地都未見識過。對於上層同下層人仕o既想法，我真係一概不曉，唔知好有錢同好窮o既人o既生活係點o家呢？
去左"someone's gonna do it. why not u?"(後尾睇番個廣告，真係覺得佢地d氣有幾分似)o個個follow-up talk。其實我本身諗住會多人d，part time 喎，而且佢講到明俾錢你賺，應該有好多香港人仆倒去o家？
我仲以為太子大廈離中環地鐵站好遠，係咁由學校飛出去，點知.....oh...一出就係..........咪o係文華隔離。一上到三樓就見兩位姐姐o係度睇個平面圖搵bookazine，八卦問佢地：「你地都係黎聽talk呢？」

姐2(<--square)：係呀。你係咪讀緊書o家？
q：係呀。
姐2：我地poly o家。
q：啊，我bu o家.......(過左一陣)你地讀marketing o家呵？
姐2：(超驚訝狀)下？你點知o家？我地有marketing刻住o係個額頭度咩？
..................估你地讀marketing 都好正常姐，唔通估你讀醫咩，再加上係poly.....

於是乎我地三個人好低b咁行左個圈，發覺間死人野原來o係水牌後面，而且已經有大約十個好似大學生咁o既物體坐左o係兒童圖書角o個度，仲發現左why not you同佢個fans。
一如以往，佢一開始就問我地有無問題，我好想問：「你有無問題成日問我地有無問題？」咩都唔知就問，我真係會問好多野：你間公司做咩？買咩書？點解要買呢d書？target邊個？d書講咩？個parttime做咩？幾時做？幾時開始？有無training？........

佢好快就o係度偷笑，又話d香港學校都係唔會問問題o家啦，上次開talk都要講左成個鐘先有人夠膽舉手云云。原來佢想我地sell佢d home-learning o既書，仲係要一setset 咁sell，一set要成三千幾。最估唔到o既係，敵人 阿米老鼠set竟然要五萬幾﹗﹗﹗仲要幾好賣添喎﹗五萬蚊一set書，我帶佢去orlando disneyworld 唔好？仲平添呀，五萬蚊唔係旺季夠一家大細包機票玩五日住埋disney酒店啦﹗﹗有錢都唔係咁用呀嘛..........米老鼠又唔會跳出黎同你個仔玩，駛唔駛五萬呀﹗
不過又係唔係咁難理解呢？其實我星期六番工o個個kids' gallery小朋友平均每月都要交二千蚊o家喎........如果三千蚊一set書用幾年，d家長仲係話時話會覺得幾抵。最緊要講到依家個教育制度有幾唔店，用左呢套自學書有幾好...blahblahblahblah.......我又覺得佢地會信。anyway，我仲未睇過d書，唔知有幾好呢？home-learning books去到大學都仲有喎.........

佢又用高薪引誘我地，話如果你為左錢咁就岩，parttime都係為左咁姐，事情就係：
(無時間限制，無限制時間番工)
有commission分(好似話有10%，即係每賣一套有三百)
賣倒二百五十set送免費來回機票去美國+包食住
賣倒五百set現金二十五萬幫你交埋稅送去你戶口

平均新仔一個星期可以賣兩set，top sales就二百。我唔知幾時先可以sell倒500set呢？俾咁多錢我都唔知點算.........最鍾意佢有training，教你點sell野。我其實最想學你d，好想靠why not you呢個機會，睇下自己係咪可以從商，因為對marketing都有d興趣。
anyway，我會sign-up 見步行步。又唔駛買書又唔駛簽野，佢最多都係欺騙我d時間，我都仲有少少青春可以浪費，唔緊要。