re-U

唔開心o既唔講lu，況且已經發生左。
星期六好開心，番左黎咁耐終於都可以同出生入死o既國事人re-U。(因為我之前死都唔肯同d老鬼一齊去7.1，又無去到廿周年飯，唔鍾意o個d應酬野)
我地十二個人包左一圍蛇宴，全靠日日先生o係工聯會做先有位同咁o既優惠。好耐無見過佢地呢，有好幾個真係番左黎咁耐都無見過。不過阿暉好狗，明明話黎最後又放飛機話自己無應承到。我唔知啦，佢地點約我唔知，我地十一個人食埋佢o個份夾埋o個份錢都ok o既。
工聯會o既蛇宴其實唔係特別好食，我本身唔係特別鍾意食蛇，次次食蛇羹都唔識分蛇絲同肉絲(老實啦，究竟有咩分別？)，仲有咩山瑞，真係嚇死我。全程都好趕，未坐底佢地已經分緊蛇羹俾我地，仲有兩窩添﹗食食食食，係個白鱔最好味，非常肥美呢，我食左五六舊。我都無咩食野，掛住同佢地講野。
六點半食到七點半已經俾人趕，八點半有下場喎。咁我地唯有又去下場啦，平時七點半都未食飯啦係咪先。本來上左間o係對面o既cafe，但係太靜，我地呢班人實在唔襯個環境，於是佢地聽我話跟我去second home。其實我唔係太識路，但係唔知點解次次都有人信我，感覺好似劉邦，唔知點解有班傻佬會跟住佢。
second home真係好舒服，加上我地多人可以分倒自己一個partition，有兩張沙發又有個茶几仔，我當然一馬當先攬住個有三個人咁大o既cushion。mocha幾好飲呢，下次要試下ice mocha同ice mint chocolate呢，因為好靚好大杯。花果茶就真係唔得啦，藍莓同橙一樣色一樣味o既。
張沙發呢，真係舒服到，坐左落去就即刻爽晒想訓覺。日日o既女伴坐o係我隔離，加埋阿山，我地三個女人係咁講。佢地都係好有想法o既女仔，我地傾左好耐香港文化、浸會、cultural literary、書會等等o既野，講到好灰咁，佢地好似好睇唔過眼香港無文化、homogenity，我想諗下有咩辦法可以改變香港人o既價值。其實martha講完polysystem之後，我一直都o係度諗點樣可以將文化推向香港人價值入面o既中心呢？
好鍾意呢種感覺。只有同佢地一齊先可以完全無warm-up，都可以流暢咁深入探討呢d問題，我最恨最恨就係呢一樣野，好痛快呀﹗
傾都口都無力我地就停左一陣，阿女伴同日日交換口型(女：{下為口型}你想唔想同queenie坐呀？日日：{都係口型}好呀﹗)，佢地兩個就換左位，無啦啦日日坐左o係我隔離。我真係唔明佢地兩個係咩關係，阿女伴又唔係唔知我同日日之前d野o家喎.......耐人尋味。
其實我同佢無咩講，又唔明佢無咩野問我喎，為左少d dead air (我左面係佢，右面就係落地玻璃窗啦) 我唯有不斷問佢野。佢竟然話呀女伴係佢老伴，唔係女朋友。我真係唔知阿女伴聽倒會有咩反應，席上有邊個人唔係當佢地一對？老伴，人地肯同你一齊，你仲夠膽咁多野講？
唉，不過兩個都係咁啦。d新時代o既男女關係，我都係唔明o家啦。
日日講左句野：「我、阿stan同你，都係有排搞o家啦。」
我諗佢做左太多錯誤o既假設，所謂三個人o既事，一直都只有佢一個。
anyway，見倒佢地真係好開心，好懷念呢種感覺。
love you guys，希望你地個個都有好發展啦﹗﹗