粗口指數嚴重超標

今日講粗口加默念粗口o既密度達歷史新高，粗口指數嚴重超出安全程度。
首先一番學就見倒民主牆有日日同志o既文章，但係發現並唔係佢寫o既 (shit)，當然又係xxx o家啦 (fuck)。識左佢四年鬧左佢咁多次，都仲係要做人影子。佢話自己係國事彊屍，我話佢係xxx o既腐屍。即係bioharzrd打極唔死o個d zombie，打斷佢d手手腳腳都仲係會滿身鮮血 (岩岩流出黎我諗鮮掛)「吓~吓~吓」撲埋黎o個d。真係無救﹗我真係怕左佢地兩公婆。呢個世界暫時我最怕都係佢兩個。
(註：以上o既粗口我真係望住民主牆講左出黎)
跟住放左學，諗住去尖沙咀行下，點知不幸o既事情就發生。(用廣東話打先夠傳神呀)
一出地鐵站就遇倒個molly阿叔係咁追住我做問卷，本來我已經戒左同呢d人講野o家啦嘛，點知佢講到自己仲未開齋(o個陣已經夜晚九點幾)，我忍唔住笑：「好啦好啦。」
點知，大禍臨頭。
呢個阿哥口水多過茶，講左成分鐘只係問我筆譯同即時傳譯有咩分別。因為佢聽倒我話讀翻譯就問我d同學係咪會去做法庭o既即時傳譯，我覺得有需要釐清呢個謬誤，就多口講左句：「咁都要睇佢讀即時傳譯定筆譯o既。」跟住佢又花多左五分鐘問我將來想做咩：「你有無諗過十年之後係點？」(十日之後我都唔知啦) 就一輪咀咁講自己點樣經歷金融風暴同sars做網吧生意唔得，最後入左呢間公司。
到最後終於入正題：「你知唔知咩叫direct sale？」(大wok)
「直接提供服務或者貨品，同傳銷唔同。」
「無錯啦﹗」(頂，我落左堂啦！今次答岩要扣分o家)
佢講左一輪又話自己公司提供d咩產品，咩美容、健康食品。
「小姐，你d皮膚有d問題。」(你身痕呀？)
「係呀，之前內分泌有問題，依家慢慢好緊。」
「係呀，我女朋友之前都係呀做左兩次小手術，之後就敏感，都係食左我公司產品先好番炸，依家d皮膚幾滑呀(夠啦)。我女朋友好可愛 [超甜個咀放大五倍o個種笑容]，真係好可愛o家，我遲d俾相你睇呀。(左勾拳)」
如是者又過左一輪，佢講極我都話無興趣。我話唔擔心我d皮膚添，係好緊呀。佢就出絕招：「一係咁呀，你留低個電話俾我，有咩事聯絡你呀，做個朋友都好呀，我地咁有緣見面講左咁耐。(我同訓o係你隔離個露宿者都有好緣呀，企o係佢隔離咁耐)」
「唔駛啦。」
「你咁有戒心，係咪因為我個行業定係覺得我個人有問題呀？」
「呀....你o既人格無問題，不過我真係對呢個行業無興趣。」
「不如你咁諗呀，你當我係朋友。譬如你當o係bar或者街度撞倒你個醫生，咁佢問你要電話做朋友，你都會俾啦係咪先。」(對唔住唔會，要問做咩唔睇醫生o個陣問)
「咁你依家個身份係咁呀嘛。」
「咁啦，你話我個人格無問題，咁我選擇左呢份工，而你對呢份工咁有戒心，咁即係我個人有問題啦。(右勾拳) (下，你講乜春呀？你個人格同行業都無問題，最大問題係你迫我俾個電話你)算啦算啦，呢d哲學問題，唔緊要唔緊要.....」
.............
「你俾個電話我啦？我唔係會煩人o既人黎o家。」
最後我忍唔住拍一拍佢膊頭：「有機會，有機會。」然後開始走。
「死野........................open d 啦﹗..........拜拜」
(我打到你個死pk七孔流血o係條街度爬呀拿)